想投身工程界嘅您，有無留意到早喺 2019 年 9 月，珠海市人大常委會通過《珠海經濟特區橫琴新區港澳建築及相關工程諮詢企業資質和專業人士執業資格認可規定》（下稱《認可規定》），係內地第一次以地方立法嘅形式，實現香港同澳門建築工程領域專業企業、專業人士喺內地直接提供服務。目前，深圳前海、廣州南沙、廣州黃埔、東莞濱海灣等地亦已推出類似嘅政策或法規添！

呢項《認可規定》已經喺橫琴 “先行先試”，以吸引香港、澳門建築同相關工程諮詢資質嘅企業同執業資格嘅專業人士、且具備規定條件並經合法備案，可以喺橫琴新區範圍內為市場主體直接提供服務！據統計，截至 2021 年 5 月份，已有 33 家澳門企業、17 家香港企業，以及澳門 134 名專業人士、香港 99 名專業人士獲得由橫琴新區建設環保局頒發的《備案認可書》。除此之外，喺南沙從事建築工程、交通工程領域專業技術工作嘅港澳專業人才，未來亦可以喺南沙區申報職稱評審。

隨著將來橫琴粵澳深度合作區建設的推進，未來工程方面還將有很大的發展。隨住更多有關政策出台落地，相信會有越來越多港澳工程專業人士嚟到粵港澳大灣區跨境執業。

如 果 有 興 趣 了 解 更 多 《 認 可 規 定 》 嘅 朋 友 ， 可 以 瀏 覽 ：
http://www.hengqin.gov.cn/dqdfw/sjb/zmq/zmzc/content/post_2347634.html

（資料及圖片來源：粵港澳大灣區門戶網、南方日報、南方網、中新網、大公文匯網、珠海特
區報、委國僑報、現代快報）

#細說灣區 #灣區政策 #工程界 #港澳專業人才 #認可規定